Av: Pressemelding
31.07.2010 @ 04:25
Studentradioen i Bergen presenterar programmet sitt for hausten 2010. Tankane bak den komande radiohausten kan oppsummerast i to hovudtrekk; eit større fokus på aktualitetar, og ei vidareføring av breiddedekninga som har vore SRiB sitt varemerke sidan oppstarten i 1982.
Den nye aktualitetsredaksjonen vil med programma Frokostblanding og Aktualitetsbrunsj sende 15 timar kvar veke med aktuelle saker frå Bergen og studentmiljøet. Kvar morgon vil byen sine studentar - og andre - bli servert dei ferskaste sakene i eit morgonmagasin med hyggelege programleiarar, god morgonstemning, og mykje fin musikk.
Studentradioen vil også halde fokus på breidde- og nisjeprogram, som i tidlegare år. I tillegg til ei rekkje etablerte program frå kultur-, musikk- og samfunnsredaksjonane ynskjer dei to nye program hjartelig velkomne i studentradiofamilien: I Sirkus Sirkus vil programleiar Knut Strand fokusere på musikk som kunst, og i Team Ingvild kan du høyre om Ingvild Nave og Ingvild Grendstad sine sprell frå det sub- og lavkulturelle Bergensmiljøet.
Studentradioen i Bergen kan høyrast på FM-nettet på 96,4 og 107,8, eller gjennom nettradioen på heimesida.Utfylljande informasjon om kvart program, samt sendeplanen for hausten, finn du her.
For spørsmål og henvendingar; ta kontakt med ansvarleg redaktør Marius Kjørmo på e-post: ansvarlig.redaktor@srib.no eller på tlf: 55545147 / 99440697
|
RSS-nyheter
![[Valid RSS]](layout/valid-rss.png "Validate my RSS feed"){kind=small}
