Av: Susanne Hjelmeset
20.02.2010 @ 03:05
Finsk radio har hatt to gode år på rad, seier direktøren i Radio Media, Stefan Möller, til www.lokalradio.no. 2008 endte med dei beste inntektene i finsk radio nokonsinne med ei stigning på 7,4% for radio åleine, mens det resterande mediemarkedet var på 1,7%.
Radiolyttinga er nesten urøyrd frå føregåande år. Finnane høyrer dagleg på radio i ca 3 timar og 11 minutt. Kommersiell radio har betre rekkjevidde enn lokalradio, men når det kjem til lyttarandelar har lokalradio 52% og kommersiell radio sit att med 48%. Dei to siste åra har den unge demografien (9-14 år) stege i lyttaroppslutning, noko som vert sett på som svært positivt.
I 2009 stupte markedet til -15,8% mens finsk radioreklame kun sank med -1,7 % samanlikna med 2008. Radioandelen vokste frå 0,5% til 3,9%, noko som har inspirert det finske radiofolket til å tenkje framover og sete seg som mål å bli større enn det gjennomsnittlege mediemarkedet og oppnå tosifra prosentandelar. Sjølv om dei må seie seg nøgde med resultata samanlikna med anna media, har ikkje finanskrisa gått utan tap: Ein klassisk radiostasjon ga opp lisensen og to lokalradioar som var eigde av aviser leid store tap i personal sidan selskapet måtte kutte ned. Om dette ikkje hadde skjedd ville kommersiell radio vore på 0,8% i 2009, opplyser Stefan Möller vidare. Likevel ser det ut til å bli ei betring sidan den klassiske kanalen har fått nye eigarar og vil starte oppatt med sendingar 15. mars i år.
|
RSS-nyheter
![[Valid RSS]](layout/valid-rss.png "Validate my RSS feed"){kind=small}
